social image

Ул. Моето маало

Вашиот партнер за поубав и организиран живот во станбените згради.

 

Дозволете да создадеме средина каде што модерното управување и одржување на заедничките простории се спојува со топлината на традиционалното соседство.

Како започна сè?

 

Нашата инспирација за ул.Моето Маало доаѓа од вистинските проблеми со кои сите ние се соочуваме како станари. Честопати, проблемите што ги делиме со соседите остануваат нерешени – не затоа што не се важни, туку затоа што ретко наоѓаме време да ги адресираме. Затоа одлучивме да создадеме нешто што ќе внесе ред, чистота и хармонија во заедничкиот живот. Сакаме да ја разбудиме свеста и емпатијата кај сите станари – заедно можеме да создадеме пријатно и чисто место за живеење за секого.

Нашата визија

 

Долгорочно да ви помогнеме не само со чистење и хигиена, туку и со одржување на мирот и складот меѓу станарите. Зошто? Затоа што комшиите се оние кои први доаѓаат на помош, особено во најтешките моменти. Нашата цел е сите да живееме во зграда која не само што е чиста и организирана, туку е и пријатно место за живеење – како да сте дел од мало, интимно заедничко соседство.

Што нудиме?

Со Ул. Моето Маало, не ветуваме брда и планини, туку практични, реални решенија кои ја олеснуваат секојдневната грижа за вашата зграда. Еве што можете да очекувате од нас:

margarin 1. Управување и застапување на интересите на станарите
  • Сите знаеме колку е важно да се грижиме за финансиските и правните аспекти на заедничките простории. Ние ги застапуваме вашите интереси пред сите релевантни институции и осигуруваме дека финансиските извештаи се транспарентни и точни.
margarin 2. Професионално одржување на хигиената
  • Нашите тимови се специјализирани за редовно чистење на заедничките простории во зградата, вклучувајќи мокро и суво чистење. Користиме професионална опрема и високо квалитетни средства за чистење, што гарантираат дека вашата зграда секогаш ќе блеска. Знаеме колку е важно да влезете во чиста зграда по долгиот работен ден – затоа се грижиме за секој детал.
margarin 3. Одржување на инфраструктурата
  • Секогаш внимаваме на техничкиот аспект на зградата: од лифтовите до пумпите, осветлувањето и водоводните инсталации. Нашата работа е да обезбедиме безбедност и функционалност, за сите да се чувствувате сигурно во својата станбена заедница.
margarin 4. Дополнителни услуги
  • Покрај стандардните услуги, нудиме и специјални пакети за станарите:
    • Инсталација на алармни системи и видео надзор.
    • Хортикултурно уредување на дворот или заедничките зелени површини.
    • Генерално чистење на станови, со специјални попусти за станарите.

Месечни Состаноци

„Ваш глас, Ваше гнездо -Шанса за Се’ да Си дојде на Место“

Се согласуваме – никој не ги сака состаноците. За многумина делуваат како губење време, а најчесто завршуваат во бескрајни расправии без конкретен резултат. Но, што ако го промениме тоа? Што ако состаноците станат продуктивни, корисни, и – најважно од сѐ – доброволни?

Со новата опција на Ул. Моето Маало, месечните состаноци се наменети само за оние кои имаат нешто да кажат, да предложат, или едноставно сакаат да си го подобрат секојдневниот живот во зградата. Овие состаноци не се обврзувачки за секој станар, туку претставуваат платформа каде што можеме да ги слушнеме вашите грижи, идеи или да ви помогнеме со проблемите кои ви се насобрале.

Комуникацијата е клучна. Со редовни, но ненаметливи состаноци, веруваме дека може да се решат многу проблеми пред да прераснат во нешто поголемо. Секој кој сака може да дојде, да праша што го мачи, да предложи нешто ново или дури и сам да се вклучи во процесот на подобрување на зградата. Вие не само што ќе имате глас, туку и реална шанса да ги оформите идните чекори за вашата заедница.

Ајде да се собереме, не само кога ќе се појави проблем, туку и за да го спречиме да настане.


Зошто Оваа Услуга е Клучна?

Живееме во време кога сите сме брзи, но одвојувањето време за дискусија и планирање е најдобриот начин за обезбедување на долгорочен мир и ред во вашата зграда. Овие состаноци ќе поттикнат подобра грижа за заедничките простории и одржување, а со тоа и вашиот дом ќе блесне одвнатре и однадвор.

Живееме во време кога сите сме брзи, но одвојувањето време за дискусија и планирање е најдобриот начин за обезбедување на долгорочен мир и ред во вашата зграда. Овие состаноци ќе поттикнат подобра грижа за заедничките простории и одржување, а со тоа и вашиот дом ќе блесне одвнатре и однадвор.


Вклучете се!

Не чекајте проблемите да растат, преземете иницијатива и дојдете на нашите состаноци – ве очекуваме да не’ известите како можеме заеднички да ја направиме вашето станбена заедница - место во кое сите со гордост ќе живеете.

Едноставно е да започнете со Ул. Моето Маало

Јавете се на нашите броеви
Откако ќе се согласите со условите и ќе ги дефинираме сите детали, склучуваме договор. Со тоа, ја преземаме одговорноста за управување и одржување на вашата зграда.
Закажете увид на вашата зграда
Ќе договориме термин за увид на состојбата на вашата зграда. Сакаме лично да ги видиме и процениме сите аспекти кои се важни за квалитетна грижа.
Договор за состанок
Ќе закажеме состанок со претставници на станарите, каде што ќе ги разгледаме вашите потреби и ќе ви ги презентираме нашите можности.
Презентација на понудата
На состанокот ќе ви ја претставиме нашата целосна понуда, услугите што ги нудиме и ќе ви објасниме како ќе ја подобриме состојбата во вашата зграда.
Склучување договор
Откако ќе се согласите со условите и ќе ги дефинираме сите детали, склучуваме договор. Со тоа, ја преземаме одговорноста за управување и одржување на вашата зграда.

Зошто да го изберете Ул. Моето Маало?

 

Она што нè издвојува е нашиот пристап – ние не се грижиме само за зградите, туку и за луѓето што живеат во нив. Го разбираме секојдневниот живот во станбените згради и сакаме да го олесниме, организираме и направиме поубав. Како и вие, и ние сме станари и сме се соочиле со истите проблеми. Затоа знаеме колку е важно да имате доверлив партнер кој нуди транспарентни услуги, без скриени трошоци и со целосна отчетност. Вашата зграда не е само место каде што живеете – таа е дел од вашето маало, вашето проширено семејство. Колку што се грижите за вашиот дом, толку треба да се грижиме и за заедничките простории. Зошто да не ја направиме вашата зграда поубава и попријатна за сите?

Контактирајте нè сега!

 

Ако вашата зграда има потреба од редовно чистење, управување или дополнителни услуги, не чекајте да се натрупаат проблемите. Контактирајте нè веднаш за да ви подготвиме понуда прилагодена на вашите потреби и буџет. Заедно ќе планираме почиста, поорганизирана и поубава иднина за вас и вашите соседи.

"Ул. Моето Маало" – бидејќи маалото е нашата заедничка одговорност.